Տոկիոյում շարունակվում են ամառային Օլիմպիական խաղերը: Բռնցքամարտի մրցաշարում մինչև 52 կգ քաշայինների պայքարում Հայաստանը ներկայացնող Կորյուն Սողոմոնյանը պարտվեց Մեծ Բրիտանիան ներկայացնող Յաֆալ Գալալին:
Մենամարտի 3-րդ ռաունդում մրցավարը կանգնեցրեց մարտը ու հաղթանակը շնորհեց Գալալին:
Այսպիսով, Օլիմպիական խաղերում Հայաստանից պայքարը լքում է 3-րդ մարզիկը: Ձյուդոյիստ Ֆերդինանդ Կարապետյանը նույնպես պարտվել էր առաջին գոտեմարտում, իսկ հրաձիգ Էլմիրա Կարապետյանը չէր կարողացել հաղթահարել որակավորման փուլը:
Իսկ մեդալներին շարունակում են հավակնել բռնցքամարտիկ Հովհաննես Բաչկովը, որը դուրս է եկել 1/8 եզրափակիչ ու Արթուր Դավթյանը, որը հենացատկի եզրափակիչում է:
Հայ մարզիկների ելույթների ժամանակացույցը Օլիմպիական խաղերում