տուր
01 Հունվար 1970 - 19:05
- Ինչպես արդեն տեղեկացրել ենք, «Ռոմայի» հարձակողական ոճի կիսապաշտպան Հենրիխ Մխիթարյանը սոցիալական ցանցերում գրառում է կատարել Իտալիայի Ա սերիայի 7-րդ տուրում «Ջենոայի» դեմ կայացած հանդիպումից հետո (3-1), որում դարձել է հեթ-տրիկի հեղինակ:
Հայ ֆուտբոլիստը գրել էր․ «Իմ ազգի համար, իմ «Ռոմայի» համար», նաև տեղադրել Արցախը ճանաչելու և Հայաստանի խաղաղության համար կոչերի հեշթեգեր:
Թվիթերյան այդ գրառումով է կիսվել Դորտմունդի «Բորուսիայում» և «Արսենալում» Մխիթարյանի նախկին թիմակից Պիեռ-Էմերիկ Օբամեյանգը: Գաբոնցին «էմոջիներով» է արձագանքել Հայաստանի հավաքականի ավագի հրապարակմանը․
😍😍🙏🏽💪🏽💪🏽 https://t.co/bZOktZ0ZPY
— Aubameyang P-E (@Aubameyang7) November 8, 2020
Մխիթարյանը նրան պատասխանել է․ «Շնորհակալությո՛ւն, եղբա՛յր: Հաջողություն եմ մաղթում առաջիկա մրցավեճում»: Հայ խաղացողը նկատի է ունեցել Պրեմիեր լիգայի 8-րդ տուրում քիչ առաջ մեկնարկած «Արսենալ» – «Ասթոն Վիլա» հանդիպումը, որում Օբամեյանգը լոնդոնյան թիմի մեկնարկային կազմում է:
Merci frère! Bonne chance pour le match⚽️🔥👊🏼 @Aubameyang7 #ArsenalAstonVilla https://t.co/KdreMwTH9X
— Henrikh Mkhitaryan (@HenrikhMkh) November 8, 2020
Իսկ արդեն ինստագրամյան գրառման տակ մեկնաբանություն է թողել թիմակից Էդին Ջեկոն, որը կորոնավիրուսով վարակված լինելու հետևանքով չէր մասնակցել վերոնշյալ խաղին: «Հիանալի Միկի»,- գրել է բոսնիացին:
Մխիթարյան․ «Ջեկոն խաղից առաջ ասաց, որ պետք է գոլ խփեմ․ ես արեցի դա»
