Ինչպես հայտնի է, Բունդեսլիգայի թիմերը վերադարձել են մարզումների կորոնավիրուսի համաճարակի պատճառով դադարից հետո։
Մարզումների է վերադարձել նաև «Հոֆենհայմը»։ Գերմանական ակումբի ֆոտոշարքում նաև կարելի է ֆիքսել Հայաստանի հավաքականի հարձակվող Սարգիս Ադամյանին։
Վերջին անգամ ֆուտբոլիստը խաղադաշտ էր դուրս եկել փետրվարի սկզբին՝ «Բայերի» դեմ հանդիպմանը։ Սարգիսը փոխարինման էր մտել, սակայն որոշ ժամանակ անց ստիպված փոխարինվել էր վնասվածքի պատճառով։ Նա կոճի շրջանում կրկնակի պատռվածք ուներ։ Այնուհետև, որոշում էր կայացվել դիմել վիրահատական միջամտության, որից հետո Ադամյանը հայտարարել էր, որ դժվար թե, այս մրցաշրջանում կարողանա նորից խաղադաշտ դուրս գալ։ Կարելի է ենթադրել, որ հարձակվողի ապաքինումը նախատեսվածի շուտ կկայանա։
Ըստ վերջին տվյալների՝Գերմանիայի առաջնությունը կվերսկվի ապրիլի 30-ին։
- 10
