Ֆրանսիայի հավաքականի ու Մադրիդի «Ռեալի» հարձակվող Կարիմ Բենզեման մեղավոր է ճանաչվել իր նախկին թիմակից Մատյո Վալբուենային շանտաժի ենթարկման վերաբերյալ գործով:
GFFN-ը հաղորդում է, որ հարձակվողը դատապարտվել է 1 տարվա պայմանական ազատազրկման:
Բենզեման նաև տուգանվել է 75,000 եվրոյով:
Հիշեցնենք, որ իրավապահ մարմինները կասկածներ ունեին, որ Բենզեման 2015 թվականին որպես միջնորդ է գործել ու Վալբուենային համոզել է գումար վճարել շանտաժիստներին, որ նրանք չհրապարակեն Մատյոյի մասնակցությամբ ինտիմ բնույթի տեսաձայնագրությունը։
