«Բարսելոնան» ու Մադրիդի «Ատլետիկոն» համաձայնության են հասել Անտուան Գրիզմանի տեղափոխության վերաբերյալ՝ հաղորդում է «հնդկացիների» պաշտոնական կայքը:
Ֆրանսիայի հավաքականի հարձակվողն «Ատլետիկոյում» հանդես կգա վարձակալությամբ:
Պայմանագիրը նախատեսված է 1 մրցաշրջանի համար՝ ևս մեկ տարով երկարաձգելու հնարավորությամբ, որից կարող է օգտվել կողմերից յուրաքանչյուրը:
Հիշեցնենք, որ Անտուան Գրիզմանը հենց «Ատլետիկոյից» էր տեղափոխվել «Բարսելոնա»: Մադրիդյան ակումբի կազմում անցկացրած 257 խաղում ֆրանսիացին դարձել է 133 գոլի հեղինակ, որով ակումբի պատմության լավագույն ռմբարկուների անվանացուցակում 5-րդն է: