«Մանչեսթեր Սիթիի» հարձակվող Սերխիո Ագուերոն կարիերան շարունակելու է «Բարսելոնայում»: Կատալոնական ակումբը և ֆուտբոլիստը վերջանական համաձայնության են հասել տեղափոխության հարցում՝ վստահեցում է Beteve.cat-ը:
Մեկ ամիս տևած բանակցություններն արդեն ավարտվել են: Կողմերը 2 տարվա պայմանագիր են համաձայնեցրել:
Արգենտինացին «բլաուգրանային» միանալու է ընթացիկ մրցաշրջանից հետո՝ ազատ գործակալի կարգավիճակով, քանի որ սպառվում է անգլիական ակումբի հետ նրա պայմանագրի ժամկետը:
32-ամյա ֆուտբոլիստը համաձայնել է աշխատավարձի զգալի նվազման գնալ, որպեսզի կարողանա միանալ կատալոնական թիմին:
Ընթացիկ մրցաշրջանում Ագուերոն մասնակցել է 18 խաղի, որոնցում 4 գոլ է խփել ու 1 գոլային փոխանցում կատարել:
Սերխիո Կուն Ագուերո. 10 փաստ, որ չգիտեիք «Սիթիի» լեգենդի մասին
