«Ռեալի» նորանշանակ գլխավոր մարզիչ Կառլո Անչելոտին գոհ է թիմի կիսապաշտպան Իսկոյի կատարած աշխատանքից նախամրցաշրջանային պատրաստության ընթացքում՝ հաղորդում է Marca-ն։
Աղբյուրի փոխանցմամբ՝ Իսկոն գալիք մրցաշրջանում խաղալու է «Ռեալում»։ Նա ամռանը չի հեռանալու թիմից, թեպետ ակումբի ղեկավարությունը մտադիր էր հանել տրանսֆերի իսպանացի խաղացողին։
Իսկոն «Ռեալ» է տեղափոխվել 2013 թվականին։ Այդ ժամանակ ևս «Արքայական ակումբի» գլխավոր մարզիչը Կառլո Անչելոտին էր։
Անցած տարի Իսկոն շատ քիչ խաղաժամանակ էր ստանում Զինեդին Զիդանի գլխավորությամբ ու կորցրել էր իր լավագույն մարզավիճակը։