տուր
01 Հունվար 1970 - 20:14
- Ավարտվեց Իսպանիայի առաջնության հերթական՝ 2018/19 խաղարկությունը: Ընդհանուր առմամբ՝ «Բարսելոնան» այս տարի ևս լուրջ մրցակցություն չունեցավ ու 26-րդ անգամ հռչակվեց երկրի չեմպիոն: Իսպանիայի փոխչեմպիոն դարձավ «Ատլետիկոն», իսկ մրցաշրջանն ամբողջովին ձախողած «Ռեալը» կարողացավ զբաղեցնել միայն 3-րդ հորիզոնականը: Լավագույն քառյակը եզրափակեց «Վալենսիան»: Այս 4 թիմերը երաշխավորել են իրենց տեղը Չեմպիոնների լիգայի հաջորդ խաղարկության խմբային փուլում:
Եվրոպայի լիգայի խմբային փուլի ուղեգիր կարողացան նվաճել 5-րդ ու 6-րդ հորիզոնականները զբաղեցրած «Խետաֆեն» ու «Սևիլիան», իսկ «Էսպանյոլը» կխաղա մրցաշարի որակավորման փուլում:
Լա լիգայի հաջորդ խաղարկությունում չենք տեսնի «Ժիրոնային», «Ռայո Վալյեկանոյին» և «Հուեսկային»: Փոխարենը ուժեղագույնների պայքարին կմիանա «Օսասունան», իսկ մյուս երկու ուղեգրերի համար թեժ պայքար է մղվում «Գրանադայի», «Ալբասետեի», «Մալյորկայի», «Մալագայի» և «Կադիսի» միջև:
Իսպանիայի ավարտված խաղարկության լավագույն ռմբարկուն դարձավ Լիոնել Մեսին՝ խփած 36 գոլով ու գերազանցելով Բենզեմային և Սուարեսին 15 գնդակով:
Գոլային փոխանցումների ցուցանիշով արգենտինացին ևս լավագույնն էր, բայց ոչ միանձնյա: 13 գոլային փոխանցումով Մեսին լավագույնի կոչումը կիսում է «Սևիլյայի» ֆուտբոլիստ Պաբլո Սարաբիայի հետ:
«Զամորայի»՝ այսինքն լավագույն դարպասապահի կոչմանն արժանացավ «Ատլետիկոյի» դարպասապահ Յան Օբլակը: Սլովենացին 20 խաղում իր դարպասը կարողացել է անառիկ պահել:
