«Միլանի» հենակետային կիսապաշտպան Իսմաել Բենասերը վարակվել է կորոնավիրուսով՝ հաստատում է «ռոսոներիների» պաշտոնական կայքը:
Ֆուտբոլիստը տնային պայմաններում է թեստ հանձնել, որի պատասխանը եղել է դրական: Նա ինքնամեկուսացել է ու մարզումները կշարունակի՝ համաձայն Ա Սերիայի՝ կորոնավիրուսի համավարակով պայմանավորված առողջապահական արձանագրության պահանջների:
«Միլանը» նշում է, որ թիմում այլ վարակակիրներ չկան: Բենասերը թիմակիցների հետ վերջին անգամ անմիջական շփում ունեցել է նախորդ շաբաթ՝ «Մոդենայի» հետ խաղին:
