Հայաստանի հավաքականի ու «Ռոմայի» կիսապաշտպան Հենրիխ Մխիթարյանը կարող է կարիերան շարունակել «Միլանում»: 32-ամյա ֆուտբոլիստի պայմանագրի ժամկետը մոտենում է ավարտին, և նա դեռ չի որոշել մնալ Հռոմում, թե այլ ակումբ տեղափոխվել:
Այդուհանդերձ, Հենրիխի գործակալ Մինո Ռայոլան կիսապաշտպանի ծառայություններն առաջարկել է իտալական թոփ ակումբներին՝ տեղեկանում ենք Il Tempo-ից: Իտալացին պահանջում է նվազագույնը 2 տարվա պայմանագիր՝ տարեկան 5 մլն եվրո աշխատավարձով:
Ռայոլայի առաջարկը լրջորեն դիտարկում է «Միլանը», որի համար գրավիչ տարբերակ է Մխիթարյանի մակարդակի ֆուտբոլիստ ստանալ ազատ գործակալի կարգավիճակով: Բացի այդ, «ռոսոներիների» կիսապաշտպան Հական Չալհանօղլուի պայմանագրի ժամկետը նույնպես սպառվում է, և նա կարող է փոխել թիմը:
Ա սերիայի ընթացիկ առաջնությունում Մխիթարյանը 11 գոլ է խփել ու 10 գոլային փոխանցում կատարել: «Ասիստների» թվով նա լավագույնն է Իտալիայում:
«Հռոմը սեր է.» Հենրիխ Մխիթարյանի՝ «Ռոմայում» մնալու 3 պատճառ
