Հայաստանի հավաքականի կիսապաշտպան Ժիրայր Շաղոյանը հնարավոր է կարիերան շարունակի Իսպանիայում: 19-ամյա ֆուտբոլիստի ծառայություններով հետաքրքրված է «Սևիլիան», տեղեկացնում է Sport24.am-ի լրագրող Արարատ Մամբրեյանը տելեգրամյան իր ալիքով:
Աղբյուրի փոխանցմամբ, ամենայն հավանականությամբ, Շաղոյանի թեկնածությունն առաջարկել է Հայաստանի հավաքականի գլխավոր մարզիչ Խոակին Կապառոսը, որը սերտ հարաբերությունների մեջ է անդալուզյան ակումբի հետ: Նա երկու անգամ գլխավորել է այդ թիմը:
Հավանականություն կա, որ երիտասարդ ֆուտբոլիստն արդեն ամռանը կդառնա «Սևիլիայի» ֆուտբոլիստ:
Շաղոյանը Հայաստանի հավաքականում նորամուտը նշել է մարտի 28-ին՝ Իսլանդիայի դեմ ԱԱ-2022-ի ընտրական փուլի խաղում: Նա փոխարինման է դուրս եկել նաև Ռումինիայի դեմ հաջորդ մրցավեճում: Ապրիլի 10-ին Ժիրայրը կդառնա 20 տարեկան:
«Շատ ուրախացա, բայց նաև շփոթվեցի». Շաղոյանը՝ Հայաստանի հավաքական հրավերի և իր ապագայի մասին