Գերմանիայի հավաքականի այսօրվա մարզումը չեղարկվել է ընտրանու կազմում կորոնավիրուսի դեպք գրանցվելու պատճառով՝ հաղորդում է «Շպիգել» օրաթերթը:
Հաղորդման համաձայն՝ ազգային հավաքականի ֆուտբոլիստներից մեկի՝ կորոնավիրուսի ստուգման թեստը դրական է եղել: Եվս 4 ֆուտբոլիստ պետք է անցնեն կարանտինային ռեժիմի:
Bild-ը գրում է, որ կորոնավիրուսով վարակված է «Բավարիայի» պաշտպան Նիկլաս Զյուլեն:
Հիշեցնենք, որ Գերմանիայի հավաքականն ԱԱ 2022-ի ընտրական մրցաշարում Հայաստանի հավաքականի հետ J խմբում է և նոյեմբերի 14-ին Խոակին Կապառոսի գլխավորած ընտրանու հետ հանդիպում է անցկացնելու Երևանում:
