Հայաստանի ազգային հավաքականն ավարտեց ելույթներն ԱԱ 2022-ի ընտրական մրցաշարում՝ զբաղեցնելով J խմբի մրցաշարային աղյուսակի 4-րդ հորիզոնականը:
Խոակին Կապառոսի սաները 10 խաղում վաստակեցին 12 միավոր: Հայաստանի հավաքականը տոնեց 3 հաղթանակ, 3 խաղ ավարտեց ոչ-ոքի արդյունքով, կրեց 4 պարտություն, խփած և բաց թողած գնդակների տարբերությունը՝ 9-20(-11):
Անցկացրած 10 խաղերում Հայաստանի հավաքականը գնդակին տիրել է խաղաժամանակի միջինը 46.3 տոկոսի ընթացքում, փոխանցումների միջին ճշգրտությունը՝ 79.2 տոկոս: 3 խաղում ընտրանին անառիկ է պահել սեփական դարպասը, հավաքականի դարպասապահները կատարել են 27 սեյվ, ընտրանին զգուշացվել է 19 դեղին քարտով, կարմիր քարտով չի պատժվել:
ՀԱՐՁԱԿՈՒՄ
Հայաստանի հավաքականը ձեռնարկել է 345 գրոհ, կատարել 119 հարված(38-ը՝ դարպասին, 51-ը՝ շեղ, 30-ի ճանապարհը փակել է մրցակցի ֆուտբոլիստը)՝ խփելով 9 գնդակ: Կապառոսի սաները 3 անգամ մրցակցի դարպասը գրավել են 11-մետրանոցից, կատարել 6 գոլային փոխանցում, իրացրել 43 անկյունային հարված, 27 անգամ հայտնվել խաղից դուրս վիճակում:
ՓՈԽԱՆՑՈՒՄՆԵՐ
Հայաստանի հավաքականը կատարել է 3991 փոխանցում, որոնցից 3241-ը՝ ճշգրիտ(79,2 տոկոս), գնդակին տիրել է խաղաժամանակի 46,3 տոկոսի ընթացքում, կատարել է հեռահար փոխանցման 204 փորձ, որոնցից 88-ը՝ ճշգրիտ(32 տոկոս):
ՊԱՇՏՊԱՆՈՒԹՅՈՒՆ, ԶԳՈՒՇԱՑՈՒՄՆԵՐ
Հավաքականը 368 անգամ խլել է գնդակը մրցակցից, իրականացրել 106 սահանկում, բաց է թողել 20 գնդակ, 3 խաղում դարպասը պահել է անառիկ: Դարպասապահները կատարել են 27 սեյվ:
Հայաստանի հավաքականը կանոնները խախտել է 119 անգամ, 104 անգամ խախտել են կանոնները մեր ընտրանու հետ պայքարում: Ազգային ընտրանին զգուշացվել է 19 դեղին քարտով, կարմիր քարտով չի պատժվել:
Հայաստանի հավաքականի վերջին նորությունները