Ինչպես արդեն տեղեկացրել ենք, Դանիայի հավաքականը ԵՎՐՈ 2020-ի խմբային փուլի 2-րդ տուրում 1-2 հաշվով զիջել է Բելգիայի ընտրանուն:
Դանիացիների համար սա 2-րդ պարտությունն էր մրցաշարում: 1-ին տուրում ընտրանին նվազագույն հաշվով զիջել էր ֆիններին:
Հետաքրքիր է, որ Դանիայի հավաքականը երկու խաղում 43 հարված է կատարել մրցակցի դարպասի ուղղությամբ, ընդ որում՝ Բելգիայի հավաքականի դեմ խաղում Դանիայի հավաքականը կատարել է 22 հարված, Բելգիայի հավաքականը՝ 6:
Դանիայի հավաքականը, սակայն, երկու խաղում էլ պարտություն է կրել:
3-րդ՝ վերջին տուրում Դանիայի հավաքականը կմրցի ռուսների դեմ:
