«Չելսին» շարունակում է հետաքրքրվել Դորտմունդի «Բորուսիայի» հարձակվող Էրլինգ Հալանդի ծառայություններով։
Foot Mercato-ն, հղում կատարելով Bild-ին, տեղեկացնում է, որ գերմանական ակումբը մտադիր է նորվեգացու վաճառքից ստանալ 160 միլիոն եվրո։ Այսպիսի բարձր արժեքն այն է, որ Հալանդով հետաքրքրված թիմերը հետ կանգնեն նրան գնելու մտքից։
Սակայն աղբյուրի փոխանցմամբ՝ լոնդոնյան ակումբի սեփականատեր Ռոման Աբրամովիչը պատրաստ է 175 միլիոն եվրո վճարել երիտասարդ հարձակվողի տրանսֆերի համար։ Գումարի մի մասը Աբրամովիչը մտադիր է վաստակել թիմի խաղացողների վաճառքից։
Տրանսֆերի իրականացման դեպքում սա «Չելսիի» ամենախոշոր ձեռքբերումը կլինի։
20-ամյա նորվեգացու ծառայություններով հետաքրքրված են նաև «Ռեալն» ու «Մանչեսթեր Սիթին»։
