տուր
01 Հունվար 1970 - 18:36
- Բասկետբոլի Ա լիգայի 2019թ. հաղթող «Արագած» ակումբի նախագահ Դեյվիդ Ջունտոյանը ամփոփեց մրցաշրջանը և խոսեց թիմի ապագա ծրագրերի մասին:
«Մենք դժվարություններ ունեցանք գրեթե բոլոր թիմերի հետ, թեև մեծ աշխատանք տարանք չեմպիոն դառնալու համար: «Արցախի» հետ շատ դժվար խաղացինք, «Արթիկի» հետ ևս շատ դժվար էր, նրանց մարզիչը շատ լավ աշխատանք տարավ ու եթե 1-2 լեգեոներ ավելի ունենային, ապա մեզ շատ ավելի դժվար կլիներ: «Ուրարտու Վիվառոն» էլ շատ լավ բասկետբոլ խաղաց վերջում:
Ունենք մտադրություն եվրագավաթների հետ կապված, բայց հովանավորների կարիք ունենք, որովհետև երկիր պետք է ներկայացնենք ու չենք կարող գնալ, բոլոր խաղերը պարտվել: Ես կարող եմ լավ աշխատանք անել ու արդյունքներ ապահովել, բայց հաշվարկը ցույց է տալիս, որ մասնակցությունն առայժմ թանկ է արժենալու մեզ ու առանց հովանավորի չենք գնա այդ քայլին:
Շատ լավ լիգա ունեցանք: Շատ ուրախ եմ, որ բասկետբոլը զարգանում է: Ես խոսք էի տվել, որ լավ լիգա ենք ունենալու, ու կարծում եմ ստացվեց: Հաջորդ տարի էլ մասնակցելու ենք ու պայքարելու չեմպիոնի կոչման համար:
Եթե ուզում ենք բասկետբոլը երկրում զարգանա, ապա լիգայի լավագույն խաղերն ու եզրափակիչները պետք է ցուցադրվեն հեռուստատեսությամբ: 20 տարի առաջ Լիբանանում նույն վիճակն էր, բայց հենց սկսվեց ցուցադրվել հեռուստատեսությամբ, մարդիկ սկսեցին սիրահարվել բասկետբոլին ու դահլիճները սկսեցին լցվել»,-ամփոփեց Ջունտոյանը:
Ասուլիսն ամբողջությամբ՝
Արա Պողոսյան. «Մտադիր ենք փոփոխել Ա լիգայի ձևաչափը՝ կապված հայ խաղացողների հետ»
