«Միլանի» դարպասապահ Ջանլուիջի Դոնարուման ակումբի հետ պայմանագրի ժամկետի ավարտին որոշում է կայացրել ապագայի վերաբերյալ, հայտնում է talkSPORT-ը։
Աղբյուրի փոխանցմամբ՝ չնայած անգլիական ակումբների՝ «Չելսիի» և «Մանչեսթեր Յունայթեդի» հետաքրքրությանը՝ Դոնարուման որոշել է երկարաձգել պայմանագիրն ու մնալ «Միլանում»։ Նրա գործող պայմանագիրն ավարտվում է ընթացիկ մրցաշրջանի վերջում։ Դոնարուման 2015 թվականից է հանդես գալիս «Միլանում»։
Ավելի վաղ տեղեկություն կար, որ «Միլանի» ու Դոնարումայի բանակցությունները նոր պայմանագրի շուրջ ձգձգվում են։
