Ռուսաստանի Ուֆա քաղաքում ընթացող աշխարհի երիտասարդական առաջնությունում Հայաստանը 125 կգ քաշային կարգում ներկայացնող Լյովա Գևորգյանը դուրս է եկել եզրափակիչ:
Եվրոպայի երիտասարդների չեմպիոնը կիսաեզրափակիչում հանդիպել էր Ադրբեջանը ներկայացնող Այդին Ահմեդովին: Հայ մարզիկը հաղթանակի է հասել 10:0 հաշվով:
Գևորգյանը 11:0 հաշվով հաղթել էր նույն մրցակցին Եվրոպայի երիտասարդական առաջնությունում:
Լյովան եզրափակիչում հանդիպելու է Իրանը ներկայացնող Ալի Ակբարպուրխորդոունին:
Մեր մարզիկը իր ճանապարհը սկսել էր որակավորման փուլից, որտեղ 10:0 հաշվով հաղթանակի էր հասել Հունգարիան ներկայացնող Ցսաբա Ուբորնյակի նկատմամբ, այնուհետև քառորդ եզրափակիչում ավելի ուժեղ էր եղել հնդիկ Կումար Անիրուդհից (4:0):
61 կգ քաշային Լևիկ Միքայելյանը կիսաեզրափակիչում զիջել է Հնդկաստանը ներկայացնող մարզիկին ու պայքարելու է բրոնզե մեդալի համար:
