Ռուս hունահռոմեական ոճի ըմբիշ Մուսա Եվլոևն Օլիմպիական չեմպիոն հռչակվելուց հետո խոսել է իր տպավորությունների մասին։
Известия-ի լրագրողի հարցին, թե ըմբիշն ինչպե՞ս կբնութագրի իր զգացողություններն Արթուր Ալեքսանյանին հաղթելուց հետո, Եվլոևը պատասխանել է․ «Ես լիովին երջանիկ եմ, եկել եմ այստեղ՝ վերցնելու օլիմպիական իմ մեդալը: Զգացողություններ չկան՝ անկեղծ ասած: Ես միշտ կարծում եմ, որ գոտեմարտերից հետո ինչ-որ խենթ զգացողություններ կլինեն, բայց դեռ ոչինչ չեմ զգում: Միշտ մի փոքր դժվարությամբ եմ մասնակցում մրցաշարի, բոլոր մրցակիցներն անկանխատեսելի են: Բայց իմ թիմի շնորհիվ ես հասա իմ մարզավիճակի գագաթնակետին: Ի վերջո, մենք ապացուցեցինք, որ ամենաուժեղն ենք․ շնորհակալություն թիմին։ Հենց Օլիմպիական խաղերի մեդալը հայտնվեց համացանցում, այն անմիջապես տեղադրեցի հեռախոսիս էկրանին: Ամեն առավոտ արթնանում էի ու նայում էկրանին: Դրա համար ես 2018 թվականից իմ հեռախոսը չեմ փոխել: Կարծում եմ՝ կփոխեմ միայն 2024 թվականի Փարիզի մեդալի համար»:
«Երկար ճանապարհ ունեի դեպի այս Օլիմպիական խաղերը: Ես եկել եմ այստեղ՝ ոսկի վերցնելու, ինչը և արեցի: Մնացածն այդքան էլ կարևոր չէ»,- ասել է Եվլոևը՝ պատասխանելով Արթուր Ալեքսանյանի՝ մրցավարներից դժգոհելու վերաբերյալ հարցին:
Օգոստոսի 3-ին հունահռոմեական ոճի ըմբշամարտի 97 կգ քաշային կարգի եզրափակիչում Մուսա Եվլոևն առավելության հասավ Արթուր Ալքեսանյանի հետ պայքարում։ Պարգևատրման ժամանակ Ալեքսանյանը հրաժարվեց կախել արծաթե մեդալը՝ այդպիսով արտահայտելով իր դժգոհությունը:
Ալեքսանյանը՝ կողմնակալ մրցավարության ու ռուսական մամուլում աղմուկ հանած խոսքերի մասին
