Տոկիոյում շարունակվում են ամառային Օլիմպիական խաղերը։
Հունահռոմեական ըմբշամարտի 67 կգ քաշային կարգում Հայաստանի ներկայացուցիչ Կարեն Ասլանյանը քառորդ եզրափակիչում գոտեմարտեց եգիպտացի Մոհամեդ Իբրահիմ Էլսայեդի հետ։
Առաջին մրցափուլից հետո Էլսայեդը վստահ հաղթանակ էր տանում 7-2 հաշվով, սակայն երկրորդում Ասլանյանը հավասարեցրեց հաշիվը՝ այն դարձնելով 7-7։ Ցավոք, դա բավարար չեղավ ցանկալի արդյունքի հասնելու ու կիսաեզրափակիչ դուրս գալու համար։
Կարեն Ասլանյանը պայքարը սկսել էր 1/8-րդ եզրափակիչից, որտեղ հաղթել էր հունգարացի ըմբիշին։