տուր
01 Հունվար 1970 - 18:01
- Հունգարիայի մայրաքաղաք Բուդապեշտում այսօր մեկնարկեց ազատ ոճի ըմբշամարտի եվրոպական գոտու վարկանիշային մրցաշարը: Այսօր մրցագորգ դուրս եկած մեր մարզիկներից պայքարը ուղեգրերի համար շարունակում են միայն երկուսը:
Արսեն Հարությունյանը (57 կգ) որակավորման փուլում 10:2 հաշվով վստահ հաղթանակ տարավ բելառուս Ուլաձիսլաու Անդրեյի նկատմամբ՝ դուրս գալով 1/4 եզրափակիչ, որտեղ մրցելու է վրացի Բեկա Բուջիաշվիլիի հետ:
Աշխարհի գավաթակիր Վազգեն Թևանյանը (65 կգ) 11:0 հաշվով առավելության հասավ բուլղարացի Վլադիմիր Դուբովի հանդեպ: Քառորդ եզրափակիչ դուրս գալու համար նա գոտեմարտելու է բելառուս Նիուրգուն Սկրիաբինի հետ:
Հրայր Ալիխանյանը (74 կգ) հաղթանակով սկսեց իր ճանապարհը՝ հաղթահարելով ավստրիացի Սիմոն Մարչլի արգելքը, սակայն հաջորդ փուլում պարտություն կրեց Եվրոպայի ու աշխարհի առաջնությունների մրցանակակիր վրացի Ավտանդիլ Կենտչաձեից:
Հովհաննես Մխիթարյանը (86 կգ) 1/8 եզրափակիչում զիջեց թուրք Օսման Գոջենին:
Դեպի Տոկիո-2020. Ազատ ոճայիններից ուղեգրի հավակնորդները, նրանց մարզավիճակն ու մրցակիցները
