Էստոնիայի մայրաքաղաք Տալլինում ընթանում է ըմբշամարտի աշխարհի երիտասարդական առաջնությունը: Պայքարի մեջ են մտել հունահռոմեական ոճի ըմբիշները:
Հայաստանը հունահռոմեական ոճում ներկայացել է 8 մարզիկով, որոնցից 4-ն այսօր գորգ են դուրս եկել:
55 կգ քաշային կարգում Հայաստանի ներկայացուցիչ Տիգրան Մինասյանը քիչ անց կանցկացնի իր մեկնարկային գոտեմարտն այս առաջնությունում:
63 կգ քաշային կարգում Հրաչյա Պողոսյանը որակավորման փուլում 9-0 հաշվով հաղթել է ճապոնացի Կյոտարո Սոգաբեին և 1/8 եզրափակիչում կգոտեմարտի Իրանի ներկայացուցիչ Շահին Մոֆրադի հետ:
77 կգ քաշային կարգում Վահե Պողոսյանը որակավորման փուլում 8-6 հաշվով Ղրղզստանի ներկայացուցիչ Ազամատ Ուլուին հաղթելուց հետո 1/8 եզրափակիչում 6-12 հաշվով զիջել է հնդիկ Սայան Սայանին: Պողոսյանն սփոփիչ գոտեմարտի հնարավորություն կստանա, եթե Սայանը եզրափակիչի ուղեգիր նվաճի:
87 կգ քաշային կարգում 1/8 եզրափակիչից պայքարն սկսել է Հակոբ Բաղդասարյանը: Հայ ըմբիշը 4-3 հաշվով հաղթել է ուկրաինացի Վալենտին Շկլիարենկոյին և քառորդ եզրափակիչում գոտեմարտելու է Բելառուսի ներկայացուցիչ Իհար Յարաշևիչի հետ:
Հրաչյա Պողոսյանի հաղթական գոտեմարտը որակավորման փուլում՝
Վահե Պողոսյանի հաղթական գոտեմարտը որակավորման փուլում՝
Հակոբ Բաղդասարյանի հաղթական գոտեմարտը 1/8 եզրափակիչում՝
Վահե Պողոսյանի գոտեմարտը 1/8 եզրափակիչում՝
