«Լայպցիգի» պաշտպան Դայո Ուպամեկանոն կարիերան կշարունակի գերմանական մեկ այլ ակումբում: 22-ամյա ֆուտբոլիստը կտեղափոխվի «Բավարիա»: Այս մասին հաղորդում է RMC Sport-ը:
Ֆրանսիացի ֆուտբոլիստն ընտրություն է կատարել հօգուտ Չեմպիոնների լիգայի գործող գավաթակրի, մինչդեռ նրա ծառայություններով հետաքրքրված էին ևս մի քանի հանրահայտ ակումբներ: Աշխարհի նորընծա ակումբային չեմպիոնը կվճարի պայմանագրով ամրագրված այն հրաժարագինը, որը կսկսի գործել այս տարվա ամառվանից: Գործարքի արժեքը կկազմի 42 մլն եվրո։
Ուպամեկանոն Բունդեսլիգայի ընթացիկ առաջնությունում մասնակցել է 19 խաղի, խփել 1 գոլ և ստացել 3 դեղին քարտ:
Ֆրանսիայի ազգային հավաքականում մասնակցած 3 մրցավեճում դարձել է 1 գոլի հեղինակ:
Որ ակումբն է այս պահին ֆավորիտ Դավիդ Ալաբայի համար պայքարում
