տուր
01 Հունվար 1970 - 20:46
Իտալիայի գավաթի քառորդ եզրափակչի «Ինտեր» – «Միլան» խաղում (2:1) լուրջ վիճաբանություն է տեղի ունեցել երկու թիմերի ռմբարկուների՝ Ռոմելու Լուկակուի և Զլատան Իբրահիմովիչի միջև:
Քանի որ հանդիպումն անցել է առանց հանդիսականների, միմիյանց հասցեին հնչած վիրավորանքներից շատերը լսելի են եղել մամուլի աշխատակիցների համար:
Շվեդը բղավել է. «Գնա քո վուդու-աղբը պատրաստի, փոքրիկ սրիկա: Ես ամեն անգամ քեզ 50 ֆունտ կտամ, եթե գնդակը նորմալ կասեցնես: Զանգիր մայրիկիդ»:
Ի պատասխան՝ բելգիացին սեքսուալ բնույթի վիրավորական խոսքեր է ասել Զլատանի ու նրա կնոջ հասցեին:
Միաժամանակ, որոշ ԶԼՄ-ներ պնդում են, որ Իբրահիմովիչը Լուկակուին կապիկ է անվանել և հենց այդ պատճառով է Ռոմելուն ագրեսիվ կերպով փորձել ծեծկռտուք սկսել: Զլատանը պատասխանել է, որ նրան կսպասի մարզադաշտի թունելում: Թե ինչ է տեղի ունեցել այնտեղ, հայտնի չէ: Ըստ երևույթին՝ հարձակվողների թիմակիցներին հաջողվել է հարթել կոնֆլիկտը:
Ուշագրավ է, որ Իբրահիմովիչն և Լուկակուն միասին խաղացել են «Մանչեսթեր Յունայթեդի» կազմում: Բելգիացին նախկինում նշել է, որ Զլատանը շատ բան է սովորեցրել նրան: