Մոսկվայում ընթացող ծանրամարտի Եվրոպայի առաջնության 102 կգ քաշային կարգում փայլուն հանդես եկան Հայաստանի ներկայացուցիչներ Արսեն Մարտիրոսյանը և Սամվել Գասպարյանը:
Ծանրամարտի Հայաստանի տղամարդկանց հավաքականի անդամ Սամվել Գասպարյանը դարձավ Եվրոպայի չեմպիոն, իսկ Արսեն Մարտիրոսյանը՝ փոխչեմպիոն:
Սամվել Գասպարյանը պոկում վարժությունում գլխավերևում պահեց 176 կգ՝ դառնալով փոքր արծաթե մեդալակիր: Հրում վարժությունում Գասպարյանը բարձրացրեց 214 կգ՝ նվաճելով փոքր ոսկե մեդալ: Երկամարտում Սամվել Գասպարյանը գրանցեց 390 կգ արդյունք՝ նվաճելով ոսկե մեդալ:
Պոկում վարժությունում Արսեն Մարտիրոսյանը բարձրացրեց 171 կգ՝ գրանցելով 4-րդ արդյունքը: Հրում վարժությունում Մարտիրոսյանը բարձրացրեց 209 կգ: Այս վարժությունում նա դարձավ բրոնզե մեդալակիր: Երկամարտում Արսեն Մարտիրոսյանը գրանցեց 380 կգ արդյունք և դարձավ Եվրոպայի առաջնության արծաթե մեդալակիր:
Այսօր պայքարի մեջ կմտնեն նաև աշխարհի, Եվրոպայի չեմպիոն, Օլիմպիական խաղերի արծաթե մեդալակիր Սիմոն Մարտիրոսյանը(109 կգ) և Տաթև Հակոբյանը(87 կգ):
Հիշեցնենք, որ Եվրոպայի ընթացիկ առաջնությունում չեմպիոն է դարձել Կարեն Ավագյանը(89 կգ), Իզաբելա Յայլյանը նվաճել է արծաթե մեդալ, իսկ Ռաֆիկ Հարությունյանը (81 կգ), Անդրանիկ Կարապետյանը (89 կգ), Հակոբ Մկրտչյանը (96 կգ) և Լիանա Գյուրջյանը (81կգ) բրոնզե մեդալներ են նվաճել: